नेपालगन्ज: बाँकेका प्रयोगशालामा आज थप १५ जनामा कोरोना भाइरस संक्रमण पुष्टि भएको छ । जिल्लाका तीनवटा प्रयोगशालामा १३१ नमुना परीक्षण गर्दा १५ जना संक्रमित थपिएको जिल्ला कोभिड १९ व्यवस्थापन समितिले जनाएको छ ।
भेरी अस्पतालको प्रयोगशालामा ७९ नमुना परीक्षण गर्दा १० जना, मेडिकल कलेज कोहलपुरको प्रयोगशालामा ३४ नमुना परीक्षण गर्दा ४ जना र बागेश्वरी ल्याबमा १८ नमुना परीक्षण १ जना संक्रमित थपिएका हुन् ।
थपिएका संक्रमित मध्य बाँकेका ५ जना मात्र छन् । जिल्लामा हालसम्म ८५ हजार २४० नमुनाको पीसीआर परीक्षण सम्पन्न भईसकेको छ । गएको २४ घण्टामा संक्रमणबाट निको भएर थप ४ जना डिस्चार्ज भएका छन् ।
त्यस्तै उपचारका लागि जिल्ला बाहिरबाट उपचारका लागि बाँके आएका एकजना संक्रमितको मृत्यु भएको छ ।