नेपालगन्जः नेपालगन्जस्थित भेरी अस्पतालमा थप एकजना कोरोना संक्रमित पुरुषको मृत्यु भएको छ ।

बुढीनन्दा–७ बाजुराका ६२ वर्षीय पुरुषको उपचारका क्रममा आइतवारराती मृत्यु भएको जिल्ला कोभिड–१९ व्यवस्थापन समिति बाँकेका फोकलपर्सन तेज वलीले जानकारी दिनुभयो ।

असार १७ गते कोभिड पुष्टि भएका ती पुरुष त्यसैदिन अस्पताल भर्ना भएका थिए । योसँगै उपचारका लागि बाँकेमा आएका बाहिरी जिल्लाका ३ सय ६३ जनाको मृत्यु भएको वलीले बताउनुभयो ।