नेपालगन्जः बाँकेमा पछिल्लो २४ घण्टामा २७ जनामा कोरोना भाइरस संक्रमण पुष्टि भएको छ ।
जिल्लाका तीन वटा ल्यावमा १ सय २७ नमुना परीक्षण गर्दा २७ जनामा भाइरस संक्रमण पुष्टि भएको हो । भेरीमा ६४ नमुना परीक्षण गर्दा १५, मेडिकल कलेज कोहलपुरमा ३६ नमुना परीक्षण गर्दा १० र बागेश्वरी ल्यावमा २७ नमुना परीक्षण गर्दा २ जनामा भाइरस संक्रमण पुष्टि भएको हो ।
ती मध्ये बाँकेमा ८ जना छन् भने बाँकी बाहिरी जिल्लाका हुन् । पछिल्लो २४ घण्टामा थप ८ जना डिस्चार्ज भएका छन् ।
