नेपालगन्जः भेरी अस्पताल नेपालगन्जमा थप एकजना संक्रमितको मृत्यु भएको छ । चन्दनाथ नगरपालिका–१० जुम्लाकी ६८ वर्षीया महिलाको गएराती मृत्यु भएको हो ।

असार ९ गते भाइरस संक्रमण पुष्टि भएकी ति महिला १४ गते अस्पतालको कोभिड वार्डमा भर्ना भएकी थिइन् । स्वास्थ्यमा सुधार नआएपछि उनको उपचारकै क्रममा गएराती साढे ८ बजे मृत्यु भएको जिल्ला कोभिड व्यवस्थापन समिति बाँकेका फोकलपर्सन तेज वलीले जानकारी दिनुभयो ।

योसँगै उपचारका लागि बाँके आएका बाहिरी जिल्लाका मृत्यु हुने भाइरस संक्रमितको संख्या ३ सय ६२ पुगेको छ ।