नवजात शिशु जन्मेपछि परिवारको ध्यान शिशुमा हुने गर्छ । तर शिशुलाई जस्तै सुत्केरी आमाको पनि स्याहारसुसार गर्नुपर्छ । शिशु जन्मिएको एक हप्ताभित्र सत्केरी आमाको अझ बढी हेरचाहमा ध्यान दिनुपर्छ ।
नेपालगन्ज मेडिकल कलेज शिक्षण मेडिकल कलेज कोहलपुरमा स्त्रीरोग विभागमा कार्यरत गाइनेकोलोजिष्ट डा गोमा रिमाल नवजात शिशु जस्तै सुत्केरी आमालाई पनि स्याहारसुसारमा ध्यान दिन जरुरी हुने बताउँनुहुन्छ ।
यसरी गर्न सकिन्छ सुत्केरी आमाको हेरचाह
–सुत्केरीमा रक्तश्रावको जोखिम बढी हुने गर्छ यसतर्फ बिशेष ध्यान दिनु पर्छ ।
–यदी योनी सिलाइएको छ भने टुक्रुक्क बस्नु हुँदेन्, खुट्टा सिधा गरे बस्नु पर्छ ।
–योनीमा घाउ छ भने सफा कपडाले मनतातो पानीको साहाराबाट सफा गर्नु पर्छ ।
–सुत्केरी आमाले कम्तिमा ६ हप्तासम्म आराम गर्नुपर्छ ।
– शिशु जन्माएको एक हप्तासम्म नुहाउन नसके पनि यौनांगहरु सधैँ सफा राख्नुपर्छ ।
–सुत्केरी आमाले साविकको भन्दा बढि खाना खानुपर्छ ।
–माछा, मासु, गेडागुडि, सागसब्जिलगायतका खाने कुरा खानु पर्छ ।
–यो समयमा प्रशस्त झोलिलो पदार्थ पिउनुपर्छ ।
–६ महिना अघिका शिशुलाई स्तनपान मात्र गराउनुपर्छ ।
–पहिलो पटक सुत्केरी हुने आमाले स्तनपानमा बढी ध्यान दिनु पर्छ । दुध आएन भन्दैमा बच्चालाई दुध चुसाउन छाड्नु हुदैन्। नत्र गानो परेर अन्य स्वास्थ्य समस्या आउन सक्छ ।
