नेपालगन्जः बाँकेमा पछिल्लो २४ घण्टामा ५३ जना कोरोना भाइरस संक्रमित थपिएका छन् । तीन वटा प्रयोगशालामा १ सय ८८ नमुना परीक्षण गर्दा ५३ जनामा भाइरस संक्रमण पुष्टि भएको हो ।
भेरी अस्पतालमा १ सय ३८ नमुना परीक्षण गर्दा ४९, नेपालगन्ज मेडिकल कलेज शिक्षण अस्पताल कोहलपुरमा २७ नमुना परीक्षण गर्दा १ र बागेश्वरी प्रयोगशालामा २३ नमुना परीक्षण गर्दा ३ जनामा भाइरस संक्रमण पुष्टि भएको हो ।
तीमध्ये १४ जना बाँकेका हुन् भने ३६ जना बर्दियाका भएको जिल्ला कोभिड व्यवस्थापन समिति बाँकेले जनाएको छ ।
