कोहलपुर: कोरोना भाइरस संक्रमणबाट नेपालगन्ज मेडिकल कलेज शिक्षण अस्पताल कोहलपुरमा थप एकजनाको मृत्यु भएको छ । जिल्ला कोभिड व्यवस्थापन समितिका अनुसार स्वर्गद्धारी नगरपालिका-५ प्यूठानकी ४९ वर्षीया महिलाको मृत्यु भएको हो ।

ती महिलालाई २० गते कोभिड पुष्टि भएको थियो । उनी २५ गतेमात्रै अस्पताल भर्ना भएकी थिइन् । उनको उपचारका क्रममा मृत्यु भएको हो । योसँगै उपचारका लागि बाहिरी जिल्लाबाट बाँके आएका ३४४ जनाको मृत्यु भएको छ ।