नेपालगन्ज: कोरोना भाइरस संक्रमणका कारण भेरी अस्पतालमा थप एकजनाको मृत्यु भएको छ ।
संक्रमण पुष्टि भएपछि उपचारमा रहनुभएका विरेन्द्रनगर नगरपालिका ४ सुर्खेतका ३८ वर्षीया महिलाको मृत्यु भएको जिल्लाका कोरोना फोकलपर्सन तेज ओलीले जानकारी दिनुभयो ।
संक्रमण पछि उहाँ स्वास्थ्य उपचारका लागि जेष्ठ ३१ गते नेपालगन्ज स्थित भेरी अस्पतालमा भर्ना हुनुभएको थियो । स्वास्थ्यमा सुधार नआउँदा उहाँको हिजो साँझ ८:४० बजे मृत्यु भएको हो ।
योससँगै बाँकेमा कोरोना भाइरस संक्रमणका कारण जिल्ला बाहिरबाट उपचारका लागि आएका ३४३ जना र जिल्लाकै ३१० जनाको मृत्यु भईसकेको छ ।
अहिले जिल्लामा कोभिड संक्रमण दरसँगै मृत्यु दरमा समेत कमि आएको छ ।
