काठमाडौंः चीनबाट कोरोना भाइरसविरुद्धको खोप खरिद प्रक्रिया तत्काल सुरु गरिने भएको छ ।
कोभिड–१९ संकट व्यवस्थापन केन्द्र (सीसीएमसी)को बिहीबारको बैठकले सरकारको घोषणा अनुसार चीनबाट ४० लाख मात्रा खोप किन्ने प्रक्रिया तत्काल सुरु गर्ने निर्णय गरेको हो ।
केन्द्रका प्रमुख बालानन्द शर्माका अनुसार १० लाख मात्रा खोप जुन भित्रै ल्याउने गरि प्रक्रिया थालिने भएको हो ।
चीनले खोप तत्काल उपलब्ध गराउने सक्ने जनाएकाले खरिद प्रक्रिया थालिने भएको उहाँले बताउनुभयो ।
सोमबार बसेको मन्त्रीपरिषद बैठकले चीनको सिनोफार्म कम्पनीबाट खोप खरिद गर्ने निर्णय गरेको थियो ।
