नेपालगन्ज : बाँकेका तीनवटा प्रयोगशालामा गरिएको पीसीआर परीक्षणमा आज थप ४० जनामा कोरोना भाइरस संक्रमण पुष्टि भएको छ ।
भेरी अस्पतालको प्रयोगशालामा ७२ नमुना परीक्षण गर्दा ३० जना, मेडिकल कलेज कोहलपुरको प्रयोगशालामा ५२ नमुना परीक्षण गर्दा ५ जना र बागेश्वरी ल्याबमा ४४ नमुना परीक्षण गर्दा ५ जना गरि कुल ४० जनामा संक्रमण पुष्टि भएको हो । पुष्टिहुनेहरु मध्य बाँकेका ७ जना मात्र छन् ।
हालसम्म बाँकेमा ८२ हजार ३८३ जनाको पीसीआर परीक्षण गरिएको छ । गएको २४ घण्टामा संक्रमण मुक्त भएर ४२ जना डिस्चार्ज भएका छन् ।
कोभिड संकमणकै कारण थप १ जनाको मृत्यु भएको जिल्ला कोभिड व्यवस्थापन समितिले जनाएको छ ।
