नेपालगन्ज: कोरोना भाइरस संक्रमणका कारण नेपालगन्ज मेडिकल कलेज शिक्षण अस्पताल कोहलपुरमा थप तीनजनाको मृत्यु भएको छ ।
बाँकेका कोरोना फोकलपर्सन तेज ओलीका अनुसार उपचारका क्रममा लमही नगरपालिका-५ दाङका ६५ वर्षीय पुरुष, राजापुर गाउँपालिका- ५ दाङका ५३ वर्षीय पुरुष र बारबर्दिया नगरपालिका-७ बर्दियाका ६५ वर्षीय पुरुषको मृत्यु भएको हो ।
योसँगै बाँकेमा हालसम्म कोरोना भाइरस संक्रमणका कारण उपचारका लागि जिल्ला बाहिरबाट आएका ३२७ जना र जिल्लाकै ३०५ जनाको मृत्यु भईसकेको छ । अहिले बाँकेमा कोभिड संक्रमणसँगै मृत्यु दरमा समेत कमि आइरहेको छ ।
