नेपालगन्जः कोरोना भाइरसका संक्रमितको उपचार गराइरहेका बाँकेका चार अस्पतालमा अझैपनि ८० बढी गम्भीर विरामी रहेको जिल्ला कोभिड व्यवस्थापन समितिले जनाएको छ ।
भेरी अस्पताल नेपालगन्ज, नेपालगन्ज मेडिकल कलेज शिक्षण अस्पताल कोहलपुर, युनाइटेड अस्पताल नेपालगन्ज र वेष्टर्न अस्पतालमा उपचार गराइरहेकामध्ये ८२ जना विरामीको अवस्था गम्भीर छ ।
समितिका अनुसार ७७ जना सिकिस्त छन् भने ५ जनालाई भेन्टिलेटरमा राखेर उपचार भइरहेको छ । संक्रमणका कारण जिल्ला बाहिरबाट उपचारका लागि आएका ३२२ जना र जिल्लाकै ३०३ जनाले ज्यान गुमाईसकेका छन् ।
