जुम्लाः जुम्ला कारागारमा रहेका १५ जना कैदीबन्दीलाई कोरोना संक्रमण पुष्टि भएको छ। कारागारमा कैदीबन्दीमा ज्वरो आउने र खोकी लाग्ने भएपछि कर्णाली स्वास्थ्य विज्ञान प्रतिष्ठानमा गरिएको पीसीआर परीक्षणमा १५ जनामा संक्रमण पुष्टि भएको जेलर गयाप्रसाद पाण्डेले जानकारी दिनुभयो ।
संक्रमितलाई कारागारभित्रै छुट्टै आइसोलेट गरिएको कारागार कार्यालय जुम्लाले जनाएको छ। कारागारभित्रै आइसोलेट गरिएका अन्य कैदीबन्दीलाई भने संक्रमणका लक्षण देखिएको छैन।
कारागारमा कोरोना संक्रमण देखिएपछि उच्च सतर्कता अपनाइएको कारागार शाखा जुम्लाले जनाएको छ। महिलाहरुलाई अलग गरेर आइसोलेसन वार्ड बनाइएको छ।
