नेपालगन्ज: बाँकेका अस्पतालमा कोरोना भाइरस संक्रमित थप दुईजनाको मृत्यु भएको छ ।
कोरोना भाइरस संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा उपचारका क्रममा दुईजनाको मृत्यु भएको जिल्लाका कोरोना फोकलपर्सन तेज ओलीले जानकारी दिनुभयो ।
उहाँका अनुसार नेपालगन्ज उपमहानगरपालिका-२१ का ३८ वर्षीय पुरुष र कुमाख गाउँपालिका-७ सल्यानका ६५ वर्षीय पुरुषको मृत्यु भएको हो ।
योसँगै कोरोना भाइरस संक्रमणका कारण हालसम्म बाँकेमा उपचारका लागि जिल्ला बाहिरबाट आएका ३०७ जना र जिल्लाकै २९७ जनाको मृत्यु भएको छ । बाँकेमा अहिले कोभिड संक्रमण र मृत्युदर घटिरहेको छ ।
