नेपालगन्जः कोरोना भाइरस संक्रमणबाट नेपालगन्जका ७० वर्षीय पुरुषको मृत्यु भएको छ । नेपालगन्ज उपमहानगरपालिका-१ धम्वोजीका ती पुरुषको उपचारका क्रममा भेरी अस्पतालमा आज विहान ८ बजे मृत्यु भएको हो ।

योसँगै बाँकेमा भाइरस संक्रमणबाट मृत्यु हुनेको संख्या २९४ पुगेको छ ।

यस्तै सल्यान शारदा नगरपालिका-१ का ५९ वर्षीय संक्रमित पुरुषको पनि उपचारका क्रममा मृत्यु भएको छ । उनको नेपालगन्ज शिक्षण अस्पताल कोहलपुरमा आज विहान ८ः ४५ बजे मृत्यु भएको बाँकेका कोरोना फोकलपर्सन तेज वलीले जानकारी दिनुभयो ।

योसँगै उपचारका लागि बाँके आएका बाहिरी जिल्लाका २९१ जनाको मृत्यु भइसकेको छ।