नेपालगन्ज: बाँकेका अस्पतालमा थप तीनजना कोरोना भाइरस संक्रमित बिरामीको मृत्यु भएको छ ।
संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा एकजना र मेडिकल कलेज नेपालगन्ज र कोहलपुरमा एक एकजना गरि थप तीनजनाको उपचारका क्रममा मृत्यु भएको जिल्लाका कोरोना फोकलपर्सन तेज ओलीले जानकारी दिनुभयो ।
मृत्यु हुनेहरुमा कुपिण्डेदह-१ सल्यानका ५५ वर्षीय पुरुष, नेपालगन्ज उपमहानगरपालिका-१८ बाँकेका ५० वर्षीय पुरुष र जानकी गाउँपालिका- २ बाँकेका ४५ वर्षीया महिला हुनुहुन्छ ।
योसँगै बाँकेमा कोरोना भाइरस संक्रमणका कारण जिल्ला बाहिरबाट उपचारका लागि आएका २८७ जना र जिल्लाकै २८३ जनाको मृत्यु भएको छ ।
