नेपालगन्ज: बाँकेका अस्पतालमा कोरोना भाइरस संक्रमित थप चारजनाको मृत्यु भएको छ ।
संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा दुईजना र नेपालगन्ज मेडिकल कलेज नेपालगन्ज र शिक्षण अस्पताल कोहलपुरमा एक एकजना गरि थप चारजनाको मृत्यु भएको हो ।
अस्पतालमा उपचारका क्रममा विरेन्द्रनगर नगरपालिका-८ सुर्खेतका ६३ वर्षीया महिला, गेरुवा गाउँपालिका-१ बर्दियाका ६८ वर्षीया महिला, तुलसीपुर उपमहानगरपालिका-१४ दाङका २४ वर्षीया महिला र बैजनाथ गाउँपालिका-७ बाँकेका ७० वर्षीय पुरुषको मृत्यु भएको बाँकेका कोरोना फोकलपर्सन तेज ओलीले जानकारी दिनुभयो ।
योसँगै बाँकेमा कोरोना भाइरस संक्रमणका कारण हालसम्म उपचारका लागि जिल्ला बाहिरबाट आएका २८२ जनार जिल्लाकै २८९ जनाको मृत्यु भईसकेको छ ।
