धनगढी: धनगढी स्थित सेती प्रादेशिक अस्पतालको प्रयोगशालामा गरिएको पीसीआर परीक्षणमा गएको २४ घण्टामा २३५ जनामा कोरोना भाइरस संक्रमण पुष्टि भएको छ । अस्पतालको प्रयोगशालामा ७४८ नमुना जाँच गर्दा थप २३५ जनामा संक्रमण पुष्टि भएको हो ।
हाल अस्पतालमा ४७ जना कोरोना संक्रमित बिरामीको उपचार भइरहेको छ । ३ जनाको भेन्टिलेटरमा, १३ जनाको आइसियूमा, ३२ जना अक्सिजन सपोर्टमा उपचारमा छन् भने २ जनाको अवस्था भने सामान्य रहेको अस्पतालले जनाएको छ ।
पछिल्लो २४ घण्टामा सेती अस्पतालबाट ६ जना कोरोना निको भई डिस्चार्ज भएका छन् । कोरोना भाइरस संक्रमणकै कारण अस्पतालमा थप दुईजनाको मृत्यु भएको छ।
योसँगै हालसम्म अस्पतालमा संक्रमणका कारण ज्यान गुमाउनेहरुको संख्या १६७ पुगेको छ ।
