नेपालगन्ज: बाँकेका तीनवटा प्रयोगशालामा शनिबार थप २१० जनामा कोरोना भाइरस संक्रमण पुष्टि भएको छ।कुल ६२१ नुमुना परीक्षण गर्दा २१० जनामा संक्रमण पुष्टि भएको जिल्ला कोभिड व्यवस्थापन समितिले जनाएको छ ।
भेरी अस्पतालको पीसीआर प्रयोगशालामा ४०४ नमुना परीक्षण गर्दा १४७ जना, मेडिकल कलेज कोहलपुरमा १३८ नमुना परीक्षण गर्दा ३५ जना र बागेश्वरी ल्याबमा ७९ नमुना परीक्षण गर्दा २८ जना गरि कुल २१० जनामा संक्रमण पुष्टि भएको हो ।संक्रमण पुष्टि हुनेहरु मध्य ५९ जना बाँकेका छन् ।
२२ जना महिला र ३७ जना पुरुष गरि जिल्लाका थप ५९ जनामा संक्रमण पुष्टि भएको हो । हालसम्म बाँकेमा ७८ हजार २३५ जनाको पीसीआर परीक्षण भएको छ ।
आज जिल्लाका १०४ जना डिस्चार्ज भएका छन्। ५३ जना महिला र ५१ जना पुरुष कोभिड संक्रमणबाट निको भएको समितिले जनाएको छ । गएको २४ घण्टामा कोभिड संक्रमणका कारण थप ५ जनाको मृत्यु भएको छ ।
जिल्ला बाहिरबाट उपचारका लागि बाँकेआएका ५ जनाको संक्रमणका कारण मृत्यु भएको हो ।
