कोहलपुर: कोरोना भाइरस संक्रमित थप तीनजनाको मृत्यु भएको छ ।

बाँकेका अस्पतालमा कोरोना भाइरस संक्रमित मधुवन नगरपालिका-६ बर्दियाका ५२ वर्षीया महिला, लमही नगरपालिका-३ दाङका ४० वर्षीय पुरुष र राप्ती गाउँपालिका-६ दाङका ५२ वर्षीया महिलाको उपचारका क्रममा मृत्यु भएको हो ।

तीनै जनाको नेपालगन्ज मेडिकल कलेज शिक्षण अस्पताल कोहलपुरमा मृत्यु भएको हो । जिल्लाका कोरोना फोकलपर्सन तेज ओलीका अनुसार हालसम्म बाँकेमा कोरोना भाइरस संक्रमणका कारण जिल्ला बाहिरबाट उपचारका लागि आएका २७३ जना र जिल्लाकै २८८ जनाको मृत्यु भएको छ ।