नेपालगन्ज: कोरोना भाइरस संक्रमणका कारण बाँकेका अस्पतालमा थप ७ जनाको मृत्यु भएको छ ।
संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा ६ जना र नेपालगन्ज मेडिकल कलेज शिक्षण अस्पताल कोहलपुरमा १ जना गरि थप ७ जनाको मृत्यु भएको जिल्लाका कोरोना फोकलपर्सन तेज ओलीले जानकारी दिनुभयो ।
मृत्यु हुनेहरुमा ठाकुरबाबा नगरपालिका-३ बर्दियाका ३७ वर्षीय पुरष, तुलसीपुर उपमहानगरपालिका-११ दाङका ५२ वर्षीय पुरुष, गुलरिया नगरपालिका-६ बर्दियाका ५७ वर्षीय पुरुष, कोहलपुर नगरपालिका-११ का ६९ वर्षीय पुरुष, लमही नगरपालिका-६ दाङका ४७ वर्षीय पुरुष हुनुहन्छ ।
कुमाख गाउँपालिका-१ सल्यानका ३४ वर्षीया महिला र जानकी गाउँपालिका-१ बाँकेका ५० वर्षीय पुरुषको समेत कोभिड संक्रमणका कारण मृत्यु भएको छ ।
योसँगै कोरोना भाइरस संक्रमणका कारण बाँकेमा हालसम्म उपचारका लागि जिल्ला बाहिरबाट आएका २७० जना र जिल्लाकै २८८ जनाको मृत्यु भएको छ ।
