नेपालगन्ज: भेरी अस्पताल नेपालगन्जमा उपचारका क्रममा मृत्यु भएका दाङ तुल्सीपुरका डिल्ली बहादुर रावतका भाइ मानबहादुर रावतले भेन्टिलेटरमा नराख भन्दा भन्दै चिकित्सकहरुले जबर्जस्ती राखेपछि दाइको मृत्यु भएको दाबी गर्नु भएको छ ।
जिल्ला प्रहरी कार्यालयको हिरासतमा रहेका मानबहादुरले स्वास्थ्य पेजसंग फोनमा भेन्टिलेटरमा बिरामीलाई नराख भन्दा भन्दै जबर्जस्ती राखेका कारण दाई डिल्लीको मृत्यु भएको दाबी गर्नु भयो ।
घटनाबारे जानकारी दिदै उहाँले हाम्रो आग्रह अटेरी गरेर किन भेन्टिलेटरमा राखियो भनेर सोध्ने क्रममा चिकित्सक तथा स्वास्थ्यकर्मीसंग भनाभन हुँदा स्थिति तनावपुर्ण बनेको उहाँको जिकिर छ ।
चिकित्सक तथा स्वास्थ्यकर्मीमाथी आक्रमण गरेको भन्दै मानबहादुरसहित उहाँका दाई र मृतकका छोरा प्रहरी हिरासतमा छन् ।
