धनगढी: सुदूरपश्चिम प्रदेशमा बिहीबार थप ४८७ जनामा कोरोना भाइरस संक्रमण पुष्टि भएको छ । पीसिआर विधिबाट ३४२ जना र एन्टिजेन विधिबाट परीक्षण गर्दा १४५ जनामा संक्रमण पुष्टि भएको हो ।

प्रदेशको स्वास्थ्य सेवा निर्देशनालयका अनुसार गएको २४ घण्टामा प्रदेशभर कोभिड संक्रमण मुक्त भई ५६९ जना डिस्चार्ज भएका छन् । हालसम्म कर्णाली प्रदेशमा कोभिड संक्रमण पुष्टि हुनेहरुको कुल संख्या ३७ हजार ६४३ पुगेको प्रदेशको स्वास्थ्य निर्देशनालयले जनाएको छ ।

हालसम्म संक्रमणबाट करिब २० हजार ९१३ जना निको भएका छन् । कोरोना भाइरस संक्रमणका कारण प्रदेशमा थप ९ जनाको मृत्य भएको छ । योसँगै संक्रमणकै कारण सुदूरपश्चिम प्रदेशमा हालसम्म ज्यान गुमाउनेहरुको संख्या ४७७ पुगेको छ ।