काठमाडौं: काठमाडौं उपत्यकाका केही स्थानमा बर्ड फ्लू देखिएको छ। पशु सेवा विभागका अनुसार किर्तिपुर नगरपालिका र चन्द्रागिरी नगरपालिकाका कृषकले पालेका टर्कीमा बर्डफ्लू पुष्टि भएको हो ।

बर्ड फ्लू पुष्टि भएपछि त्यहाँ रहेका टर्की तथा कुखुरा नष्ट गरिएको पशु सेवा विभागले जनाएको छ। रोग देखा परेको क्षेत्रलाई पूर्ण निसंक्रमण समेत गरिसकिएको विभागले जनाएको छ।

यसअघि गत माघमा काठमाडौं, सुर्खेत, जाजरकोट र ललितपुरमा बर्ड फ्लु देखिएको थियो ।