धनगढी: सुदूरपश्चिमका पूर्व प्रदेश प्रमुख मोहनराज मल्लको निधन भएको छ।
लामो समयदेखि निमोनियनबाट पीडित मल्ललाई पछिल्लो समय कोरोना संक्रमण पुष्टि भएको थियो । कैलालीको भजनीका स्थानीय मल्लको काठमाण्डौमा उपचारका क्रमममा निधन भएको हो।
मल्ललाई २०७४ सालमा नेपाली काँग्रेसका सभापति शेरबहादुर देउवाको सिफारिसमा राष्ट्रपतिले सुदूरपश्चिम प्रदेश प्रमुखमा नियुक्त गर्नुभएको थियो । कैलालीका पुराना राजनीतिज्ञका रुपमा चिनिँदै आउनुभएका मल्ल वि.सं.२०३७ देखि २०४६ सम्म राष्ट्रिय पञ्चायतका सदस्य हुनुभएको थियो । मल्लको आज अन्त्येष्टि गरिने बताइएको छ ।
