नेपालगन्ज: बाँकेका अस्पतालमा कोरोना भाइरस संक्रमित थप दुईजनाको मृत्यु भएको छ ।
संक्रमित बिरामीहरुको उपचार भैरहेको भेरी अस्पताल नेपालगन्जमा एकजना र नेपालगन्ज मेडिकल कलेज कोहलपुरमा एकजना गरि थप दुईजनाको मृत्यु भएको जिल्लाका कोरोना फोकलपर्सन तेज ओलीले जानकारी दिनुभयो ।
मृत्यु हुनेहरुमा छत्रेश्वरी गाउँपालिका ५ सल्यानका ३५ वर्षीय पुरुष र आठबिसकोट नगरपालिका १० रुकुम पश्चिमका ३२ वर्षीय पुरुष हुनुहुन्छ । योसँगै बाँकेमा कोरोना भाइरस संक्रमणका कारण हालसम्म उपचारका लागि जिल्ला बाहिरबाट आएका २५८ जना र जिल्लाकै २८० जनाको मृत्यु भईसकेको छ ।
