नेपालगन्ज: बाँकेका अस्पतालमा कोरोना भाइरस संक्रमित थप चारजनाको मृत्यु भएको छ ।
संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा तीनजना र नेपालगन्ज मेडिकल कलेज शिक्षण अस्पताल कोहलपुरमा एकजना गरि थप चारजनाको मृत्यु भएको जिल्लाका कोभिड फोकलपर्सन तेज ओलीले जानकारी दिनुभयो ।
मृत्यु हुनेहरुमा बैजनाथ गाउँपालिका-४ बाँकेका ३८ वर्षीया महिला, तुलसीपुर उपमहानगरपालिका-८ दाङका ५६ वर्षीय पुरुष, कोहलपुरका ४७ वर्षीय पुरुष र नेपालगन्ज उपमहानगरपालिका-१८ बाँकेका ८५ वर्षीया महिला हुनुहुन्छ।
योसँगै बाँकेमा कोरोना भाइरस संक्रमणका कारण उपचारका लागि जिल्ला बाहिरबाट आएका २४७ जना र जिल्लाकै २७७ जनाको मृत्यु भईसकेको छ ।
