नेपालगन्ज: कोरोना भाइरस संक्रमणका कारण बाँकेका अस्पतालमा थप दुईजनाको मृत्यु भएको छ ।
जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीका अनुसार संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा एकजना र नेपालगन्ज मेडिकल कलेज शिक्षण अस्पताल कोहलपुरमा एकजना गरि थप दुईजनाको मृत्यु भएको छ ।
मृत्यु हुनेहरुमा बढैयाताल गाउँपालिका-२ का ४२ वर्षीया महिला र कोहलपुर नगरपालिका-१३ बाँकेका ४२ वर्षीय पुरुष हुनुहुन्छ ।
योसँगै कोरोना भाइरस संक्रमणका कारण हालसम्म बाँकेमा जिल्ला बाहिरबाट उपचारका लागि आएका २४६ जना र जिल्लाकै २७६ जनाको मृत्यु भईसकेको छ ।