काठमाडौं: कोरोना भाइरस संक्रमणका कारण पछिल्लो २४ घण्टामा देशभर ८ हजार ९०० बढीमा संक्रमण पुष्टि हुदा काठमाडौं उपत्यकाका मात्र २ हजार ३०० बढी छन् ।
स्वास्थ्य तथा जनसंख्या मन्त्रालयका अनुसार शनिबार उपत्यकामा २३१८ जनामा कोरोना भाइरस संक्रमण पुष्टि भएको हो । काठमाडौंका १ हजार ८११, भक्तपुरमा १७९ र ललितपुरमा ३२८ संक्रमित थपिएको मन्त्रालयको तथ्यांकमा उल्लेख छ ।
विभिन्न प्रयोगशालाहरुमा पीसीआर विधिबाट गरिएको परीक्षणमा उनिहरुमा संक्रमण पुष्टि भएको हो । अहिले देशभर १ लाख १५ हजार ८०६ जना कोभिडका सक्रिय संक्रमित छन् ।
हालसम्म नेपालमा ५ लाख बढीमा कोरोना भाइरस संक्रमण पुष्टि भईसकेको छ ।
