काठमाडौं: मंगलबार देशभर ८ हजार २०३ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका पीसीआर प्रयोगशालामा २० हजार २८६ पीसीआर परीक्षण गर्दा ८ हजार १३६ जना र ६९३ नमुना एन्टिजेन विधिबाट परीक्षण गर्दा ६७ जना गरि ८२०३ जना नयाँ संक्रमित थपिएका हुन् ।
योसँगै देशभर कोरोना भाइरस संक्रमण पुष्टि हुनेहरुको कुल संख्या ४ लाख ७२ हजार ३५४ पुगेको छ। गएको २४ घण्टामा देशभरबाट ६ हजार ८९१ जना संक्रमण मुक्त भएर डिस्चार्ज भएका छन्।
योसँगै हालसम्म कोरोना संक्रमणबाट निको हुनेहरुको कुल संख्या ३ लाख ५२ हजार ४५४ पुगेको छ । संक्रमणका कारण देशभर थप १९६ जनाको मृत्यु भएको मन्त्रालयको तथ्यांकमा उल्लेख छ ।
हाल ७५२ जना क्वारेन्टाइनमा छन् । १ लाख १४ हजार ५२९ जना कोभिडका सक्रिय संक्रमित स्वास्थ्य लाभ गरिरहेका छन् ।
