नेपालगन्ज: बाँकेका अस्पतालमा थप दुईजना कोरोना भाइरस संक्रमित बिरामीको मृत्यु भएको छ ।
जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीका अनुसार संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा एकजना र नेपालगन्ज मेडिकल कलेज शिक्षण अस्पताल कोहलपुरमा एकजनाको उपचारका क्रममा मृत्यु भएको हो ।
मृत्यु हुनेहरुमा गुर्भाकोट नगरपालिका-१३ सुर्खेतका ६८ वर्षीय पुरुष र शिबराज नगरपालिका-५ कपिलवस्तुका ३८ वर्षीय पुरुष हुनुहन्छ ।
योसँगै बाँकेमा कोरोना भाइरस संक्रमणका कारण हालसम्म उपचारका लागि जिल्ला बाहिरबाट आएका १९६ जना र जिल्लाकै २४० जनाको मृत्यु भईसकेको छ।
