नेपालगन्ज: बाँकेमा कोरोना भाइरस संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा ६ जना र नेपालगन्ज मेडिकल कलेजमा एकजना गरि थप सात जनाको कोभिड संक्रमणका कारण मृत्यु भएको छ।
मृत्यु हुनेहरुमा मधुवन नगरपालिका-९ बर्दियाका ७१ वर्षिय पुरुष, बढैयाताल गाउँपालिका-१ बर्दियाका ५० वर्षिय पुरुष, गौरीगंगा गाउँपालिका-४ कैलालीका ५२ वर्षिय पुरुष, रुम्टिगढी-३ रोल्पाका ३५ वर्षिय पुरुष हुनुहुुन्छ ।
त्यस्तै संक्रमणकै कारण बढैयाताल गाउँपालिका-२ बर्दियाका ८७ वर्षिय पुरुष, नेपालगन्ज उपमहानगरपालिका-१९ बाँकेका ६० वर्षिय पुरुष र कोहलपुर नगरपालिका-१५ का ६७ वर्षिय पुरुषको समेत कोभिड संक्रमणका कारण उपचारका क्रममा मृत्यु भएको जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीले जानकारी दिनुभयो ।
योसँगै जिल्लामा कोरोना भाइरस संक्रमणका कारण उपचारका लागि जिल्ला बाहिरबाट आएका १८३ जना र जिल्लाकै २३४ जनाले हालसम्म ज्यान गुमाईसकेका छन् ।
