नेपालगन्ज: कोरोना भाइरस संक्रमित बिरामीहरुको उपचार हुदै आएको बाँकेका दुई अस्पतालमा थप दुईजनाको मृत्यु भएको छ ।
नेपालगन्ज स्थित भेरी अस्पतालमा एकजना र नेपालगन्ज मेडिकल कलेज शिक्षण अस्पताल कोहलपुरमा एकजना गरि थप दुईजनाको मृत्यु भएको जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीले जानकारी दिनुभयो । मृत्यु हुनेहरुमा कुमाख गाउँपालिका २ सल्यानका ३६ वर्षिय पुरुष र कोहलपुर नगरपालिका ८ बाँकेका २६ वर्षिया महिला हुनुहुन्छ ।
योसँगै बाँकेमा कोरोना भाइरस संक्रमणका कारण उपचारका लागि जिल्ला बाहिरबाट आएका १७८ जना र जिल्लाकै २३२ जनाको मृत्यु भईसकेको छ ।
