कोहलपुर: नेपालगन्ज मेडिकल कलेज शिक्षण अस्पताल कोहलपुरमा कोरोना भाइरस संक्रमित एकजना व्यक्तिको हाडजोर्नीको सफल शल्यक्रिया सम्पन्न भएको छ ।
खजुरा गाउँपालिका बाँकेका ६५ वर्षिय संक्रमित पुरुषको खुट्टाको सफल शल्यक्रिया भएको अस्पतालले जनाएको छ । बैशाख २६ गते दिउँसो सडक दुर्घटनामा परि घाइते भएका उनको २७ बैशाखमा पीसीआर परीक्षण गर्दा कोरोना संक्रमण पुष्टि भएको थियो ।
दायाँ खुट्टाको एन्कलमा गम्भीर चोट लागेका उनको बैशाख ३० गते एशोसियट प्रोफेसर डा.दिनेश श्रेष्ठ, हाडजोर्नी विशेषज्ञ डा.सबिन श्रेष्ठ, एनेस्थेसियोलोजिस्ट डा.रनिश श्रेष्ठ,डा.अमन शाह र नर्सहरु दुर्गा पन्त, पुतला बिस्ट, पार्वती शाही लगायतको टीमले सफल शल्यक्रिया गरेको हो ।
