नेपालगन्जः बाँकेमा कोरोना भाइरस संक्रमणबाट पत्रकार रईस शाहीको आज निधन भएको छ । नेपालगन्ज उपमहमहानगरपालिका ८ का ४४ वर्षीय शाहीको उपचारका क्रममा नेपालगन्ज मेडिकल कलेज शिक्षण अस्पताल कोहलपुुरमा आज विहान ८ बजे निधन भएको हो ।
कोभिड पुष्टिपछि उहाँ १८ गते अस्पताल भर्ना हुनुभएको थियो । खबर नेपालगन्ज दैनिकका प्रकाशक शाही लामो समय समय अधिकार दैनिकमा पनि आबद्ध हुनुभएको थियो । शाही नेपालगन्ज मेडिकल कलेज शिक्षण अस्पताल नेपालगन्जमा प्रशासन शाखाका कर्मचारी समेत हुनुहुन्थ्यो ।
शाहीका श्रीमति, एक छोरा र एक छोरी छन् । नेपाल पत्रकार महासंघ बाँकेका साधारण सदस्य, अवधी पत्रकार संघ नेपाल जिल्ला शाखा बाँकेका सहसचिव शाहीको निधनप्रति पत्रकार महासंघ बाँके, अवधि पत्रकार संघलगायतले दुख व्यक्त गरेका छन् ।
