नेपालगन्ज: भेरी अस्पताल नेपालगन्जमा थप एकजना कोरोना भाइरस संक्रमित बिरामीको मृत्यु भएको छ ।

अस्पतालका अनुसार मधुवन नगरपालिका-१ बर्दियाका ४० वर्षिय पुरुषको कोरोना भाइरस संक्रमणका कारण मृत्यु भएको हो । बैशाख १७ गते बर्दियामा कोभिड पुष्टि भएपछि उहाँ स्वास्थ्य लाभ गरिरहनुभएको थियो ।

स्वास्थ्यमा थप समस्या आएपछि बैशाख ३० गते थप उपचारका लागि भेरी अस्पतालमा भर्ना हुनुभएका उहाँको आज बिहान ७:३० बजे मृत्यु भएको जिल्ला कोभिड १९ संकट व्यवस्थापन केन्द्रका फोकलपर्सन तेज ओलीले जानकारी दिनुभयो ।

योसँगै बाँकेमा कोरोन भाइरस संक्रमणका कारण हालसम्म जिल्लाकै २२९ जना र जिल्ला बाहिरका १७६ जनाको मृत्यु भईसकेको छ । यसअधि गएराति बाँकेका अस्पतालमा कोरोना संक्रमित पाँच जनाको मृत्यु भएको थियो ।