.नेपालगन्ज: कोरोना भाइरस संक्रमणका कारण बाँकेमा थप तीन जनाको मृत्यु भएको छ ।
संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा दुईजना र नेपालगन्ज मेडिकल कलेज शिक्षण अस्पताल कोहलपुरमा एकजना गरि थप तीनजनाको मृत्यु भएको अस्पतालहरुले पुष्टि गरेका छन् ।
जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीका अनुसार मृत्यु हुनेहरुमा बैजनाथ गाउँपालिका-२ बाँकेका ३७ वर्षिया महिला, कोहलपुर नगरपालिका-४ बाँकेका ४२ वर्षिय पुरुष र ठाकुरबाबा-१ बर्दियाका ४६ वर्षिय पुरुष हुनुहुन्छ ।
योसँगै कोरोना भाइरस संक्रमणका कारण हालसम्म बाँकेमा उपचारका लागि जिल्ला बाहिरबाट आएका १७२ जना र जिल्लाकै २२७ जनाको मृत्यु भईसकेको छ ।
