सुर्खेत: गएको २४ घण्टामा कर्णाली प्रदेशमा थप ४०१ जनामा कोरोना भाइरस संक्रमण पुष्टि भएको छ ।
प्रदेशका विभिन्न पीसीआर प्रयोगशालामा गरिएको परीक्षणमा २१९ जना र एन्टिजेन विधिबाट गरिएको परीक्षणमा १८२ जना गरि कुल ४०१ जनामा कोरोना भाइरस संक्रमण पुष्टि भएको हो ।
कोरोना भाइरस संक्रमण मुक्त भएर पछिल्लो २४ घण्टामा प्रदेशभर २३४ जना डिस्चार्ज भएका छन् । यहाँ हालसम्म ९ हजार ६५० जनाले कोभिड संक्रमण जितिसकेका छन् ।
संक्रमणका कारण गएको २४ घण्टामा ५ जनाले ज्यान गुमाएसँगै हालसम्म कोभिडका कारण ज्यान गुमाउनेहरुको संख्या १३४ पुगेको छ ।
