नेपालगन्ज: कोरोना भाइरस संक्रमणका कारण बाँकेमा थप तीन जनाको मृत्यु भएको छ ।
संक्रमित बिरामीहरुको उपचार भैरहेको नेपालगन्ज मेडिकल कलेजमा दुईजना र भेरी अस्पताल नेपालगन्जमा एकजना गरि थप तीन जनाको मृत्यु भएको जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीले जानकारी दिनुभयो ।
मृत्यु हुनेहरुमा बासगढी नगरपालिका-५ बर्दियाका ५० वर्षिाय पुरुष, कोहलपुर नगरपालिका-२ बाँकेका ५० वर्षिया महिला र सल्यानका ४० वर्षिया महिला हुनुहुन्छ ।
योसँगै कोरोना भाइरस संक्रमणका कारण बाँकेमा उपचारका लागि आएका जिल्ला बाहिरका १७० जना र जिल्लाकै २२४ जनाको मृत्यु भईसकेको छ ।
