नेपालगन्ज: कोरोना भाइरस संक्रमणका कारण बाँकेका अस्पतालमा थप ६ जनाको मृत्यु भएको छ ।
संक्रमित बिरामीहरुको उपचार भैरहेको नेपालगन्ज स्थित भेरी अस्पतालमा पाँच जना र नेपालगन्ज मेडिकल कलेज शिक्षण अस्पताल कोहलपुरमा एकजना गरी थप ६ जनाको मृत्यु भएको जिल्ला कोभिड-१९ संकट व्यवस्थापन केन्द्रका फोकलपर्सन तेज ओलीले जानकारी दिनुभयो ।
मृत्यु हुनेहरुमा कुमाख गाउँपालिका-१ सल्यानका ६७ वर्षिया महिला, मधुवन नगरपालिका-६ बर्दियाका ५९ वर्षिय पुरुष, बैजनाथ गाउँपालिका-६ बाँकेका ३५ वर्षिया महिला, खजुरा गाउँपालिका-३ बाँकेका ७५ वर्षिया महिला हुनुहुन्छ ।
त्यस्तै भेरी अस्पतालमा उपचारका क्रममा नेपालगन्ज उपमहानगरपालिका-५ बाँकेका ६१ वर्षिया महिला र मेडिकल कजेजमा कोहलपुर नगरपालिका-२ बाँकेका २८ वर्षिय पुरुषको समेत कोभिडकै कारण मृत्यु भएको अस्पतालले जनाएका छन् ।
योसँगै कोरोना भाइरस संक्रमणका कारण बाँकेमा जिल्ला बाहिरबाट उपचारका लागि आएका १६७ जना र जिल्लाकै २२२ जनाले हालसम्म ज्यान गुमाईसकेका छन् ।
