काठमाडौं: निजी अस्पतालहरुलाई १५ दिनभित्र अक्सिजन प्लान्ट जडान गर्न स्वास्थ्य तथा जनसंख्या मन्त्रालयले अनुरोध गरेको छ ।
बिहिबार एक सूचना जारी गर्दै १०० बेडभन्दा माथिका निजी अस्पताललाई आजकै मितिबाट १५ दिनभित्र प्लान्ट जडान गरि मन्त्रालयमा जानकारी गराउन अनुरोध गरेको हो ।
संक्रमित बिरामीहरुको चाप र मृत्युदर समेत बढ्दै गएको र अक्सिजन आपूर्ति प्रक्रिया समेत दिन प्रतिदिन जटिल हुदै गईरहेको भन्द्रै मन्त्रालयले निजी अस्पताललाई प्लान्ट जडान गर्न भनेको हो ।
यसैबिच मन्त्रालयले मन्त्री परिषद्को बैशाख १३ को निर्णयअनुसार प्लान्ट स्थापनाका लागि आवश्यक सामग्री आयतमा भन्सार छुट हुने जनाएको छ ।
