बुटवलः लुम्बिनी प्रादेशिक अस्पतालमा उपचाररत थप १२ जना कोरोना संक्रमितको मृत्यु भएको छ। अस्पतालको इमर्जेन्सीमा विभागमा उपचाररत उनीहरूको मृत्यु भएको हो।

अस्पतालका सूचना अधिकारी डा विष्णु गौतमका अनुसार मृत्यु हुनेमा रूपन्देहीका ७ जना र कपिलवस्तुका ३ जना रहेका छन्। यस्तै, नवलपरासी पश्चिम र प्युठानका एकरएक जनाको उपचारका क्रममा मृत्यु भएको हो।

१२ जनामध्ये ११ जना पुरुष र एकजना महिला रहेका डा गौतमले बताउनुभयो । डा गौतमका अनुसार उनीहरू सबै निमोनियाले ग्रस्त भएर आएका थिए।