नेपालगन्ज: कोरोना भाइरस संक्रमणका कारण बाँकेमा थप तीन जनाको मृत्यु भएको छ । संक्रमणका कारण नेपालगन्ज मेडिकल कलेजमा तीन जनाको मृत्यु भएको जिल्ला कोभिड-१९ संकट व्यवस्थापन केन्द्रले जनाएको छ ।
मृत्यु हुनेहरुमा बासगढी नगरपालिका-८ बर्दियाका ४४ वर्षिया महिला, गुलरिया नगरपालिका-५ बर्दियाका ५३ वर्षिया महिला र कोहलपुर नगरपालिका-१४ का ६१ वर्षिय पुरुष हुनुहुन्छ ।
योसँगै जिल्लामा कोरोना भाइरस संक्रमणका कारण उपचारका लागि आएका जिल्ला बाहिरका १३९ जना र जिल्लाकै १८७ ले ज्यान गुमाइसकेका छन् ।
