नेपालगन्ज २९, असार ।
भेरी अस्पताल नेपालगन्जमा गरीएको पीसीआर परीक्षणमा थप ४ जनामा कोरोना भाइरस संक्रमण पुष्टि भएको छ । पछिल्लो ४८ घण्टामा गरिएको पीसीआर परीक्षणमा बर्दियाका २ र दाङका २ जना गरी ४ जनामा कोरोना भाइरस संक्रमण पुष्टि भएको अस्पतालले जनाएको छ ।
योसँगै भेरी अस्पतालमा गरीएको पीसीआर परीक्षणमा ६ सय ९२ जनामा कोरोना भाइरस संक्रमण पुष्टि भएको अस्पतालले जनाएको छ । अस्पातलले अहिलेसम्म १५ हजार ५ सय ३२ नमूना मध्ये १५ हजार ४ सय नमूना परीक्षण सम्पन्न भएको छ ।
पछिल्लो ४८ घण्टामा ८ सय नमूना परीक्षण गरिएको अस्पतालले जनाएको छ ।
