काठमाडौं १२, पुष ।
विश्वभर कोरोना भाइरस संक्रमणका कारण हालसम्म १७ लाख ४४ हजार २३५ जनाको मृत्यु भएको छ ।
विश्व स्वास्थ्य संघठनका अनुसार पछिल्लो २४ घण्टामा मात्र ७ हजार ३३५ जना कोरोना संक्रमित विरामीहरुको ज्यान गएको छ । कोरोना संक्रमणका कारण गएको २४ घण्टामा भारतमा २५१ जनाले ज्यान गुमाएका छन् ।
त्यस्तै ब्राजिलमा ७८६ जना, इटलीमा ४५९ जनाले ज्यान गुमाएको विश्व स्वास्थ्य संगठनको तथ्यांकमा उल्लेख छ ।
पछिल्लो २४ घण्टामा विश्वभर ४ लाख १ हजार १७६ जनामा कोरोना भाइरस संक्रमण पुष्टि भएको छ । योसँगै कोरोना भाइरस संक्रमितको कुल संख्या ७ करोड ८६ लाख ४ हजार ५३२ पुगेको छ ।
अमेरीका,ब्राजिल, भारत लगायतका देश कोरोना भाइरस संक्रमणबाट बढी प्रभावित छन् ।
