काठमाडौं ११, पुष ।
विश्वभर कोरोना भाइरस संक्रमणका कारण हालसम्म १७ लाख ३६ हजार ७५२ जनाको मृत्यु भएको छ ।

विश्व स्वास्थ्य संघठनका अनुसार पछिल्लो २४ घण्टामा मात्र ११ हजार ६५४ जना कोरोना संक्रमित विरामीहरुको ज्यान गएको छ । कोरोना संक्रमणका कारण गएको २४ घण्टामा अमेरीकामा ३ हजार ३४७ जनाले ज्यान गुमाएका छन् ।

भारतमा ३३६ जनाले ज्यान गुमाएका छन् । त्यस्तै ब्राजिलमा ९६१ जना, इटलीमा ५०५ जनाले ज्यान गुमाएको विश्व स्वास्थ्य संगठनको तथ्यांकमा उल्लेख छ ।

पछिल्लो २४ घण्टामा विश्वभर ६ लाख ५५ हजार ४१ जनामा कोरोना भाइरस संक्रमण पुष्टि भएको छ । योसँगै कोरोना भाइरस संक्रमितको कुल संख्या ७ करोड ८१ लाख ९४ हजार ९४७ पुगेको छ ।

अमेरीका,ब्राजिल, भारत लगायतका देश कोरोना भाइरस संक्रमणबाट बढी प्रभावित छन् ।