नेपालगन्ज १०, पुष ।
भेरी अस्पताल नेपालगन्जमा उपचारका क्रममा थप दुईजना कोरोना संक्रमितको मृत्यु भएको छ । बाँकेको जानकी गाउँपालिका-६ का ५० वर्षीय पुरुष र कैलाली लम्की चुहा नगरपालिका-३ का ५८ वर्षीय पुरुषको मृत्यु भएको हो ।

कोरोना पुष्टि भएपछि जानकीका ती पुरुष पुष ३ गते अस्पताल भर्ना भएका थिए । उनले त्यसको अघिल्लो दिन पीसीआर परीक्षणका लागि स्वाव दिएका थिए ।

उनको उपचारका क्रममा आज विहान ६ बजे मृत्यु भएको अस्पतालले जनाएको छ । यस्तै लम्की चुहाका ती पुरुषलाई मंसिर ३० गते भाइरस संक्रमण पुष्टि भएको थियो ।

उनी पुष ३ गतेमात्रै भेरीमा भर्ना भएका थिए । उनको पनि उपचारकै क्रममा आज विहान २ बजे मृत्यु भएको अस्पतालले जनाएको छ ।