सुर्खेत ९, पुष ।
प्रदेश अस्पताल सुर्खेतमा कोरोना संक्रमित एकजना विरामीको मृत्यु भएको छ ।

चिङ्गाड गाउँपालिका-५ निवासी ७३ वर्षीया महिलाको उपचारका क्रममा मृत्यु भएको अस्पतालले पुष्टि गरेको छ । पुष ६ गते श्वास फेर्न कठिनाई र शरीर सुन्निएको अवस्थामा अस्पताल आएको र कोभिड परीक्षण गर्दा सोही दिन उनमा कोरोना भाइरस संक्रमण पुष्टि भएको थियो ।

कोभिड पुष्टि भएपछि आइसोलेसनमा भर्ना गरि उपचार सुरु गरिएको भएपनि स्वास्थ्यमा सुधार नआउँदा उनको पुष ८ गते बुधबार राती १०:५६ बजे मृत्यु भएको अस्पतालले जनाएको छ ।

योसँगै कर्णाली प्रदेशमा कोरोना भाइरस संक्रमणका कारण ज्यान गुमाउनेहरुको संख्या २४ पुगेको प्रदेशको सामाजिक विकास मन्त्रालयले जनाएको छ ।