बर्दिया ८, पुष ।
बर्दियामा बुधवार थप ६ जना कोरोना भाइरस संक्रमित फेला परेका छन् । बाँकेका दुई वटा प्रयोगशालामा गरिएको पीसीआर परीक्षणमा २ महिला र ४ पुरुष गरी ६ जना संक्रमित थपिएको कोरोना फोकलपर्सन नरेश श्रेष्ठले जानकारी दिनुभयो ।

भेरी अस्पताल प्रयोगशालामा ५ जना र नेपालगन्ज मेडिकल कलेज कोहलपुरको प्रयोगशालामा १ जनामा भाइरस संक्रमण पुष्टि भएको हो । योसँगै बर्दियामा कोरोना भाइरस संक्रमितको संख्या १ हजार४ सय ३७ पुगेको फोकलपर्सन श्रेष्ठले बताउनुभयो । यस्तै बुधवार ७ जना डिस्चार्ज भएका छन् ।

तीन महिला र चारजना पुरुष डिस्चार्ज भएसँगै अहिलेसम्म जिल्लामा भाइरस संक्रमणमुक्त हुनेको संख्या १ हजार ३ सय ३५ पुगेको छ । अहिले विभिन्न आइसोलेसनमा ८५ जना बसिरहेका छन् । भाइरस संक्रमणबाट अहिलेसम्म जिल्लामा ३ महिलासहित १७ जनाको मृत्यु भएको छ ।