सुर्खेत ८, पुष ।

कडा न्युमोनिया सहितको कोभिड-१९ संक्रमणका कारण प्रदेश अस्पताल सुर्खेतमा एकजनाको मृत्यु भएको छ ।

गुर्भाकोट नगरपालिका-७ का ७५ वर्षिय पुरुषको कोरोना भाइरस संक्रमणका कारण मृत्यु भएको अस्पतालले पुष्टि गरेको छ । स्वास्थ्यमा समस्या भएपछि पुष १ गते प्रदेश अस्पतालको इमरजेन्सीमा भर्ना भएका उनमा सोही दिन जिन एस्पर्ट पीसीआर विधिबाट कोरोना संक्रमण पुष्टि भएको थियो ।

कोभिड पुष्टि भएपछि आइसोलेसनमा भर्ना भई उपचार सुरु गरिएको भएपनि स्वास्थ्यमा सुधार नआउँदा पुष ८ गते बुधबार बिहान ३ बजे मृत्यु भएको हो ।

योसँगै कर्णाली प्रदेशमा कोरोना संक्रमणका कारण मृत्यु हुनेहरुको कुल संख्या २३ पुगेको प्रदेशको सामाजिक विकास मन्त्रालयले जनाएको छ ।